Weslander se beherende maatskappy, Novus Media, stel vandeesweek amptelik die NovaNews.co.za-webwerf bekend.
NovaNews is ‘n omvattende nasionale nuusplatform met bydraes van Weslander, Weskus Nuus en nog 19 ander gemeenskapskoerantredaksies van regoor Suid-Afrika.
Die digitale nuussentrum lewer landwyd betroubare en diepgaande joernalistiek in Afrikaans en Engels – alles sonder betaalmure of versteekte fooie.
Die nuwe platform bied gebruikers maklike toegang deur enige webblaaier, met die opsie om ‘n ikoon by hul mobiele tuisblad te voeg vir onmiddellike toegang tot brekende nuus, gemeenskapsopdaterings, en nasionale en internasionale dekking.
Wat maak die platform uniek?
Die antwoord – die hiper- plaaslike inhoud van die 21 Novus Media-gemeenskapstitels in die Weskus, die Boland, die Wes-Kaap, Oos-Kaap, Noord-Kaap en die Vrystaat.
Die gemeenskapskoerante se webwerwe sal hul verbintenis handhaaf om ‘n stem aan plaaslike gemeenskappe te gee terwyl hulle aansienlik groter gehore met uitgebreide nuusdekking bereik.
“NovaNews.co.za is ‘n eenstopbestemming vir betroubare joernalistiek, wat alles dek – van kraakvars nuus en hiper-plaaslike gemeenskapsstories, leefstyl-, skole- en sportnuus. Die platform beklemtoon sy verbintenis tot outentieke, betroubare nuus wat op beide plaaslike en nasionale vlak saak maak,” sê Esmé Smit, die hoofbestuurder van Novus Media.
“Ons bied nuus waarop jy kan staatmaak – nuus wat nie vals is nie, nuus wat saak maak, naby aan die huis, uiteenlopend en getrou aan ons reënboognasie en kultuur is,” sê Smit.
Lise Beyers, die nasionale digitale nuusredakteur vir Novus Media, is uiters opgewonde oor die bekendstelling van hierdie baanbrekende nuwe mediaplatform.
“Die unieke gemeenskapstemme van ons diverse land is vir heeltemal te lank nie gehoor nie. Daar is soveel stories wat in ons gemeenskappe versteek lê en nou sal NovaNews hierdie stories ‘n unieke platform gee, tesame met die feit dat hulle ons lesers ingelig hou oor belang- rike nasionale en internasionale nuus,” sê Beyers.
“Hierdie baanbrekende digitale platform bring Novus Media se gemeenskapskoerante van reg oor Suid-Afrika op ‘n unieke manier bymekaar en skep ‘n ongekende media-ekostelsel wat die outentieke stem van plaaslike gemeenskappe bewaar, terwyl dit nasionale en internasionale nuusdekking naatloos integreer – wat beide hiper- plaaslike storievertelling en globale perspektief aan aansienlik uitgebreide gehore lewer op ‘n manier wat geen ander digitale mediawebwerf bereik het nie.”
Bekendstellingskompetisies
Om die bekendstelling te vier, bied Novus Media twee opwindende kompetisies aan vir gebruikers wat op die NovaNews-nuusbrief inteken en NovaNews op Facebook volg.
In die “Soektog na die Ster”-kompetisie kan deelnemers een van vyf Pick n Pay-koopbewyse van R4 000 of ‘n luukse verblyf van twee nagte vir twee by The Boardwalk Hotel in Gqeberha wen, geldig vir ses maande. Reiskoste is vir die wenner se eie sak.
In die “Nou waa is daai star”-kompetisie sal verskeie sterre in artikels op die novanews.co.za-tuisblad versteek word. As jy ‘n ster vind, klik daarop en ‘n vorm sal verskyn om jou in staat te stel om op die NovaNews-nuusbrief in te teken. Volg dan NovaNews op Facebook.
Die kompetisies sal vir twee weke op die hoof- NovaNews-webwerf duur.
Digitale vernuwing
Novus Media wil met die bekendstelling ‘n verbintenis tot toeganklike digitale joernalistiek deur ‘n vernuwende gebruikerservaring verklaar. Die platform stel lesers in staat om onmiddellik toegang tot betroubare nuusinhoud deur hul webblaaiers te verkry, met instinktiewe navigasie wat hiperplaaslike gemeenskapsberigte naatloos met nasionale en internasionale dekking verbind.
Met vals nuus wat mediageloofwaardigheid toenemend uitdaag, beklemtoon novanews.co.za sy toewyding aan feitelike, geverifieerde verslaggewing waarop gemeenskappe kan staatmaak.
Die platform is nou beskikbaar by novanews.co.za, met kompetisiebesonderhede op die webwerf en geassosieerde sosialemediakanale.
