Die Junior Verkeersopleidingsentrum is die afgelope Vrydag (17 Oktober) amptelik by die Laerskool Masiphatisane in Vredenburg oorhandig.
Dit is die vyfde sentrum wat in die Saldanhabaai-munisipaliteit (SBM) voltooi is.
Die afgelope jaar is soortgelyke sentrums by St. Andrew’s Primêr in Saldanha, die Hoopsig-projek in Paternoster, die Laerskool Diazville en Eden Primêr geopen.
Die skoolgemeenskap verwelkom dié inisiatief in samewerking met die Wes-Kaapse departement van mobiliteit.
Die sentrums bied leerders ‘n praktiese, interaktiewe ruimte vir padveiligheids-
opvoeding, wat help om van jongs af verantwoordelike, veiligheidsbewuste padgebruikers te kweek.
‘n Uitstaande deel van die dag was die gees van gemeenskaps- en belanghebbersamewerking, wat ‘n aktiewe rol in die sentrum se uitleg vervul het.
Verteenwoordigers van die SBM se burgemeesterskomitee, die Wes-Kaapse
departemente van mobiliteit en onderwys en die SBM se openbare veiligheidsdienste-
afdeling het die geleentheid bygewoon.
Die oorhandiging was ook deel
van die aktiwiteite vir Vervoermaand in Oktober.
