Motorfietsryers van verskeie klubs in en om die Weskus het Sondag 27 April by Dial Rock in Saldanha bymekaargekom en in ‘n groep vertrek na Juffrous-
hoogte met die doel om geld in te samel vir Saldanha Animal Care (SAC) en ook bewusmaking te skep van die aantal honde in hul sorg wat nog na ‘n liefdevolle huis soek.
Die geleentheid is gereël deur Gert Venter, president van Road Thunders-motorfietsklub.
Motorfietsryers wat die geleentheid ondersteun het, was onder meer van die Mac’s Familia- en Meeulanders-klubs terwyl daar ook lede van ander klubs teenwoordig was, en het almal skenkings vir die skuiling gegee.
Die dag het ook ‘n veiling en speletjies behels.
Saldanha Animal Care bedank graag vir Johann Ferreira van Harcourts West Coast, die venue Juffroushoogte-
gasteplaas, Harcourts Yzerfontein, alle borge en die Roadthunders en ander klubs wat tot die dag bygedra het.
Om meer uit te vind oor die honde wat vir aanneming beskikbaar is, of SAC te ondersteun, skakel Zanette Kellerman by 082 921 0233.
