Laerskoolatlete van Vredenburg, Paternoster en Green Village het sake Vrydag 26 Januarie uitgespook om plekke te kry by die Vredenburg-sonebyeenkoms by die Vredenburg-sportterrein.
Atlete van St Augustine Primêr, Jurie Hayes Primêr, Laerskool Vredenburg, Masiphatisane Primêr, Laerskool Langebaanweg, Hoërskool Hopefield (laerskoolatlete), Eden Primêr en Panorama Primêr het teen mekaar deelgeneem.
Volgens Konrad Toerien van Laerskool Vredenburg roteer die verantwoordelikheid om die sonebyeenkoms aan te bied jaarliks en vanjaar het Masiphatisane Primêr dit aangebied.
