Die Eskom-wetenskapekspo vir jong wetenskaplikes streef om jong wetenskaplikes en navorsers te inspireer.
Leerders kry die geleentheid om met unieke oplossings vorendag te kom vir huidige uitdagings en kan hul belangstelling in wetenskap, tegnologie, wiskunde en entrepreneurskap prikkel.
Die kompetisie bied leerders tussen graad 7 en graad 11 die geleentheid om in 24 kategorieë deel te neem. Dit sluit in chemie, energiebesparing, fisika, landbou en plantkunde.
Leerders kan hul vordering saam met hul onderwysers monitor om gereed te wees vir die plaaslike kompetisie Dinsdag en Woensdag 13 en 14 Augustus by die White City- veeldoelige sentrum in Saldanha.
Individue of skole wat nog inligting benodig kan weskus.eskom.expo@gmail.com per e-pos kontak.
